एन आइ न्यूज - इजरयल, डिसेम्बर २०,
गत ६ डिसेम्वर २०११ मंगलवार राती सुतेको अवस्थामा असमायिक निधन भएकी इजरायलमा केयरगिभर कामदारको रुपमा कार्यरत सोलुखुम्बु जिल्ला गोराखानि गाबिस स्थायी घर भएकी अन्दाजी २५ बर्षिय नेपाली चेलि ल्हमी शेर्पाको पार्थिव शरिरलाई मृत्यु भएको दुई हप्तापछि सोमवार साँझ इजरायलको समय अनुसार ११:१५ बजे एलाल एयरलायन्सबाट थाइल्याण्डको व्याङ्कक हुँदै स्वदेश पठाइएको नेपाली राजदूतावास तेलअभिवले जानकारी दिएको छ ।दुतावासका अनुसार लाशलाइ थाइल्याऩ्डको राजधानी व्याङ्ककमा ट्रान्जिटमा १ दिन राखेर २१ डिसेम्वर २०११ तदनुसार पौष ६ गते वुधवार दिउसो १ बजे नेपाल पु-याइने छ ।
स्व. ल्हमी शेर्पाको मृत्यु पश्चात पुलिस अनुसन्धानबाट निजको मृत्यु अप्राकृतिक र अपराधिक तवरबाट नभएको खुलेपछि निजको परिवारले शवको पोस्टमार्टकोलागि गरिने अटोपेशी (चिरफार) नगर्न अनुरोध गरेकोले मृतकको पोस्टमार्टम नगरी लाश नेपाल पठाइएको हो । त्यस्तै मृतक शेर्पाको लाशलाई इजरायलमा गर्नुपर्ने सम्पूर्ण प्रक्रियागत कार्य पुरा गरी हेल्थ इन्सुरेन्स कम्पनी, इजरायल इम्वाम सर्भिस र नेपाली राजदूतावास तेलअभिवको संयुक्त प्रयासमा नेपाल पठाइएको हो ।
मृतक शेर्पाको परिवारले नेपाल इजरायल डट नेटलाई दिएको जानकारी अनुसार शेर्पाको मृत शरिर प्राप्त भएपछि वौद्द धर्मको संस्कार अनुसार अन्त्ष्टी गरिनेछ ।
