सानु थापा मगर
दोहा माघ २ गते ।
नेपाल प्रवासी मगर संघ दोहा कतारको आठौं कार्यसमितीद्धारा २०१२ जनवरी १३ तारीकमा केन्द्रिय समीतीका अध्यक्ष देव ब. रानामगरको सभापतीत्व तथा प्रमुख सल्लाहकार छत्र ब. घलेमगरको प्रमुख आतिथ्यमा महासचिव शरण थापा मगरको सञ्चालनमा दोहाको मुन्ताजा पार्कमा मगरहरुको महान चाड माघी पर्व २०६८ मनाइयो ।
कार्यक्रमको औपचारिकता संगै शुरु भएको उक्त कार्यक्रममा संस्थाका सचिव भिम तरामु मगर द्धारा उपस्थित सम्पुर्णमा स्वागत गर्नुका साथै कार्यक्रम बारे जानकारी दिनुभएको थियो । त्यसपछी जानकारीमुलक प्रश्नहरुको साथमा हाजिरी जवाफ प्रतियोगीता गरिएको थियो भने पुरस्कारहरु कार्यसमितीका पदाधिकारीहरुद्धारा प्रायोजन गर्नुभएको थियो । त्यसपछी माघी पर्वका खानपिन भएको थियो । ।
कार्यक्रमकै शिलशिलामा नेपाल प्रवासी मगर संघ दोहा कतारको केन्द्रिय समितीको नवौं अधिवेशन २०११ डिसेम्बर ३० मै भएपनी कार्यभार हस्तान्तरण नभएकोले आठौं कार्यसमितीका अध्यक्ष देव ब. रानामगरद्धारा नव निर्वाचित अध्यक्ष भिम ब. तरामुमगरलाई संघको खातापाता हस्तान्तरण गरी कार्यभार हस्तान्तरण गर्नुभएको थियो । त्यसपछी कार्यक्रमका सभापतीद्धारा उपस्थित सम्पुर्णमा धन्यवाद सहित कार्यक्रमको अन्त्य गर्नुभएको थियो ।त्यस्तैगरी नेपाल प्रवासी मगर संघ दोहा कतारको केन्द्रिय समितीको सोही दिन बसेको नियमीत पहिलो पुर्ण बैठकले विभिन्न प्रस्तावहरुमाथी छलफल गरी विभिन्न निर्णयहरु गरेको थियो ।
त्यसक्रममा सल्लाहकार समिती गठन गर्दा प्रमुखमा देब ब. रानामगर, सदस्यहरुमा छत्र ब. घलेमगर, नारायण रानामगर, प्रकाश आलेमगर, जनक थापामगर, तिलक घर्तीमगर र मनिराज पुनमगर चुनिनुभएको थियो ।
त्यस्तैगरी सचिवालय समितीमा अध्यक्ष भिम तरामुमगर, प्रथम उपाध्यक्ष महेन्द्र थापामगर, द्धितीय उपाध्यक्ष शेर ब. रोकामगर, महासचिव शरण थापामगर, सचिव राम ब. पुनमगर, कोषाध्यक्ष लिलम्बर चिढीमगर, सह कोषाध्यक्ष रमेश आलेमगर सदस्य खगी पुनमगर र एक जना सदस्य रिक्त रहेको सचिवालय समिती गठन गरेको छ । त्यस्तैगरी वैकल्पिक सदस्यहरुमा दल ब. घर्तीमगर, छत्र ब. आलेमगर र ५ जना रिक्त रहेको समिती चयन गरेको छ ।
