धादिङ पुस २८ गते ।
ग्रामीण सञ्चार सहकारी संस्था लिमिटेडद्वारा सञ्चालित रेडियो धादिङ १०६ मेगाहर्जले आफ्नो औपचारिक प्रसारण चौथो वर्ष पुरा गरी पाँचौ बर्षमा प्रवेश गरेको अवसरमा आज बृहत ऐतिहासिक भजन प्रतियोगिताको आयोजना गरेको छ । प्रतियोगितामा धादिङ, नुवाकोट र गोरखा जिल्लाका गरी १५ वटा भन्दा बढि समूहको सहभागिता रहेको छ ।२०६४ साल भदौ २१ गतबाट धादिङमै पहिलो सामुदायिक रेडियोको रुपमा स्थापना भई प्रशारण शुरु गरेको रेडियो धादिङले पुष २१ गतेबाट आफ्नो औपचारिक प्रसारण चौथो वर्ष पुरा गरेको हो । ‘‘समुदायको लागि समुदायको आवाज’’ भन्ने मुल नारा लिएर प्रशारण शुरु भएको रेडियो धादिङले नेपालमै पहिलो पटक चेपाङ भाषामा खवर प्रशारण गरिरहेको छ ।
