काठमाडौ, ३० फागुन ।
काठमाडौको गौशाला(पिङ्गलास्थानमा ग्यास चुहिएर आगलागी हुँदा चार पसल जलेर नष्ट भएका छन् । गएराति प्रकाश अधिकारीको चिया पसलमा ग्यास चुहिएर आगलागी भएको स्थानीयबासीले जनाएका छन् ।
आगलागीसँगै ग्यास सिलिण्डर पडकिँदा अन्य तीन वटा पसलमा पनि आगो फैलिएको थियो । आगलागीबाट होमा शर्माको किराना पसल विजय अधिकारीको टेलरिङ विजय श्रोष्ठको मदिरा पसल र राजकुमारी भण्डारीको पान पसल नष्ट भएका छन् । आगोलागीबाट मानवीय क्षति नभएपनि भौतिक रुपमा लाखौको क्षति छ ।आगलागीबाट होमा शर्माको किराना पसलमा राखिएको १० लाख ३५ हजार नगदसहित लाखौको क्षति भएको छ । दमकल स्थानीयबासी र प्रहरीलाई आगो नियन्त्रणमा लिन दुई घण्टा लागेको थियो ।डिसीनेपाल
