राँगा-भैसी बोकेको ट्रक दुर्घटना हुदा एकको निधन, ४ भैसी मरे I

गजुरी, १२ चैत । चितवनबाट राँगा-भैसी बोकेर आएको मालबाहक ट्रक दुर्घटना हुँदा एकजनाको मृत्यु भएको छ। घटनामा गम्भीर घाइते भएका ४ जनालाई उपचारका लागि काठमाडौं पठाइएको छ । ना ३ ख ५६१२ नम्बरको ट्रक दुर्घटना हुँदा ४ भैसी घटनास्थलमै मरेका छन् ।


धादिङको वेनीघाट ८ बाँदरे भन्ने स्थानमा आइपुग्दा ट्रक सडक किनारामा पल्टिँएको थियो । त्रिशुली नदीको विपरित दिशामा पल्टिएकाले थप क्षति भने हुन पाएन ।



दुर्घटनामा परेका दीलबहादुर नेपालीको गजुरी अस्पतालमा उपचारका क्रममा मृत्यु भएको हो। उनी थानकोट गाविस १ का बासिन्दा हुन्। इलाका प्रहरी कार्यालय गजुरी उक्त घटना स्थलमा उद्दारका लागि खटिएको छ ।