साउन ६ गते । भक्ति रिजाल, सर्लाहीभारतीय क्षेत्रबाट जल लिन आएका एक बोलवम तिर्थयात्री बागमती नदीले बगाएर बेपत्ता हुनुभएको छ । सीमावर्ती भारतीय गाउँ सोनवर्षाका २२ वर्षीय युवा सुनिलकुमार महतो हिजो साँझ साढे ६ बजेदेखि वागमती नदीमा हराइरहनुभएको हो । रौतहटको नुनथर नजिकको बागमती नदीमा जल लिन पस्दा उहाँ हराउनुभएको कर्मैयाका प्रहरी नायब निरीक्षक सन्तोष पण्डितले जानकारी दिनुभयो । नेपाल प्रहरी तथा सशस्त्र प्रहरीले रातभर खोज्दा पनि पण्डितलाई फेला पार्न नसकिएको प्रहरीले बताएको छ । यसैबीच अलग अलग सवारी साधनकोे ठक्करवाट भारतीय क्षेत्रकै एक बालक र एक महिला तिर्थयात्री घाइते हुनु भएको छ । यसैगरी आज राति १ बजे नवलपुर चौकमा भारतको सीतामाढी बस्ने १३ वर्षिय वालक रविकुमार महतोलाई ना २ ख ९६ १० नम्वर ट्रकले ठक्कर दिई गम्भिर घाइते वनाएको छ । त्यस्तै हिजो राति ९ बजे वा १६ प ५८ ८७ नम्वर मोटरसाईकलले १८ वर्षीया तिर्थयात्री कन्चन महतोलाई ठक्कर दिइ गम्भिर घाइते वनाएको थियो । ठक्कर दिने हरिवन गाविस वडा नम्वर १ का वर्ष २८ का मोटरसाइकल चालक जीवन अधिकारी पनि गम्भिर घाइते हुनु भएको छ ।
