राम बहादुर धामी, दारेचोक, २२ चैत्र । चितवनको दारेचोकमा बुधबार देखि खुल्ला फुटबल प्रतियोगिता सुरु भएको छ । त्रिवेणी युवा क्लबको आयोजनामा कुरिनटार खेलकुद मैदानमा फुटबल प्रतियोगिता सुरु भएको हो । फुटबल प्रतियोगिताको एक समारोहकाबीच दारेचोक गाउँ विकास समितीका सचिव निलकण्ठ उप्रेतीले उद्घाटन गर्नुभएको हो । बुधबारको पहिलो खेलमा मनकामना युवा क्लबले आयोजक त्रिवेणी युवा क्बल ग्रिनलाई ५–४ गोल अन्तरले पराजित गरेको छ ।
त्यस्तै बुधबारको दोस्रो खेलमा दारेचोक फुटबल क्लबले पवित्रा युवा क्बललाई ४–० गोल अन्तरले हराएको छ । प्रतियोगितामा प्रथमले नगद ५० हजार, दोस्रोले नगद २५ हजार र तेस्रोले नगद साढे १२ हजार हात पार्ने क्बलका कोषाध्यक्ष अमिक श्रेष्ठले जानकारी दिनुभएको छ ।