राम बहादुर धामी, आँबुखैरेनी, २८ श्रावण । पृथ्वीराजमार्ग अन्तर्गत आँबुखैरेनी–३, मार्कीचोकमा गएराती बस र ट्रक एक आपसमा ठक्कर खाँदा १३ जना घाईते भएका छन् । घाईते मध्ये २ जनाको अवस्था गम्भिर रहेको छ । आँबुखैरेनीबाट डुम्रेतर्फ जादै गरेको लु १ ख ४०१३ नम्बरको ट्रक र ना ३ ख २३०५ नम्बरको बस एक आपसमा ठोक्कीदा सो दुर्घटना भएको हो । बाराका ५ वर्षिय माधव गिरी र सर्लाहीका ३५ वर्षीय सबिता बानियाको अवस्था चिन्ताजनक रहेको छ । दुर्र्घटनामा गम्भिर घाईते भएका गिरी र बानिया सहित ८ जनाको अहिले भरतपुर अस्पतालमा उपचार भैरहेको छ, भने अन्य २ जनाको पोखरामा उपचार भैरहेको जिल्ला प्रहरी कार्यालय तनहुँले जानकारी दिएको छ ।
