कतारका नव नियुक्त राजदूत पौडेललाई वैचारिक सङ्गठनद्वारा सामुहिक स्वागत तथा भेटघाट सप्पन्न

रामएकवाल राम

दोहा - कतारका लागी नवनियुक्त राजदूत महामहिम रमेश चन्द्र पौडेललाई दोहामा स्थापित वैचारिक संघ संस्थाहरूले सामूहिक रूपमा स्वागत तथा भेटघाट् सम्पन्न गरेको छ । 

बुधबार अपराह्न दूतावासमा आयोजित एक कार्यक्रममा महामहिम राजदूत पौडेललाई स्वागत संगै सफल कार्यकालको शुभकामना सहित दोहामा स्थापित वैचारिक एवं सामाजिक संघ संस्थाहरूको भूमिका बारे जानकारी गराईएको थियो।

सो कार्यक्रममा दोहाका नेपाली समुदायहरूका सरोकारका विषयहरू र वर्तमान समयमा महत्वपूर्ण पासपोर्ट नवीकरणमा सेवाग्राहीले भोगेका समस्या लगायत विविध विषयमा जानकारी गराएको थियो।

स्वागत तथा भेटघाटमा नेपाली जन सम्पर्क समिती कतारका सभापति मोहम्मद अजिज अलि,प्रवासी नेपाली मञ्च कतारका अध्यक्ष चुडामणि कार्की ,नेपाली जन प्रगतिशील मञ्च कतारका अध्यक्ष राज देवकोटा ,प्रवासी नेपाली एकता मञ्च कतारका अध्यक्ष मोहम्मद मुक्ततादा मुसलमान, नेपाली समाज कतारका अध्यक्ष मनिष यादव,प्रवासी नेपाली एकता समाजका अध्यक्ष तिलक श्रेष्ठ ,कतार नेपाली एकता समाजका अध्यक्ष राम प्रसाद पराजुली, संघीय लिम्बुवान समाजिक मञ्च कतारका अध्यक्ष डम्बर मगर, नेपाली जन प्रगतिशील मोर्चा कतारका अध्यक्ष रबिन पुन लगायत विभिन्न संघ संस्थाका अध्यक्ष तथा प्रतिनिधिहरुको उपस्थिती रहेको थियो।

राजदूत पौडेलले उपस्थित सम्पूर्णलाई स्वागतका लागि धन्यवाद व्यक्त गर्दै दूतावासको सेवा प्रवाहलाई आवश्यकता अनुरूप थप चुस्त बनाउने प्रतिबद्धता समेत व्यक्त गरे।

नेपाल-कतार सम्बन्धका विविध आयामहरूमा उपलब्ध सम्भावनालाई नेपाल र नेपालीको हितका लागि उपयोग गर्ने दिशामा आफ्ना प्रयासहरू केन्द्रित रहने बताए ।

तनहुँमा पुस ९ गतेदेखि १९ गतेसम्म ‘ प्रथम भानु नगर महोत्सव ’ हुने, महोत्सवको तयारी तिब्र

निराज रानाभाट, 

तनहुँ । तनहुँको भानु नगर उद्योग वाणिज्य संघको आयोजनामा भानु नगरपालिका -१, भन्सारमा पुस ९ गतेदेखि १९ गतेसम्म ‘ प्रथम भानु नगर महोत्सव ’ हुने भएको छ, भने महोत्सवको तयारी तिब्र पारिएको आयोजकले जनाएको छ । कृषि, पर्यटन, घरेलु उद्योग, व्यापार, शिक्षा, स्वास्थ्य क्षेत्रको विकास तथा साँस्कृतिक जागरण र पर्यटन क्षेत्रको प्रबद्र्धनमा टेवा पु¥याउने उद्वेश्यले महोत्सवको तयारी गरिएको भानु नगर उद्योग वाणिज्य संघका अध्यक्ष एवं मूल समारोह समिति संयोजक कृष्णकुमार श्रेष्ठले जानकारी दिए । श्रेष्ठका अनुसार १ लाख बढी पर्यटकहरुको आवागमन हुनुका साथै ६४ लाख रुपैयाँको आर्थिक कारोवार हुने अपेक्षा गरिएको छ ।

 महोत्सव सफल बनाउनका लागि मूल समारोह समितिसहित ३९ वटा कार्यगत समिति गठन गरिएको श्रेष्ठले बताए । श्रेष्ठका अनुसार महोत्सवबाट बचत भएको रकमले भानु नगर उद्योग वाणिज्य संघको निर्माणधीन भवन निर्माण कार्यमा खर्चिने योजना रहेको छ । 

यसैगरी, महोत्सवमा औद्योगिक प्रदर्शनी तथा खरिद बिक्री, सुन्तला, मास एवं अदुवा, ताजा तरकारी बिक्री तथा प्रदर्शनी साथै खाना महोत्सव, रमाइलो मेला, चर्चित कलाकार बीचको दोहोरी गीत प्रतियोगिता, आदिवासी जनजातिय भेषभूषा, झाँकी तथा संस्कृति भल्किने कार्यक्रम रहने बताइएको छ । उक्त महोत्सवमा विभिन्न खानाका स्टल, कृषि उत्पादनका बिक्री, सूचना केन्द्र, विभिन्न अटो कम्पनीका शोरुम, प्राथामिक उपचार केन्द्र, विभिन्न व्यापारिक सामग्रीका प्रदर्शनी एवं बिक्री कक्षलगायतका १ सय २० वटा स्टल रहने छन् । यस्तै, उक्त महोत्सवले स्थानीय स्तरमा उत्पादित कृषि उपज र स्थानीय कलाकारहरुको कला संरक्षणमा सहयोग पुग्नुका साथै आर्थिक कारोवारमा चहलपहल हुने भानुका नगर प्रमुख आनन्द त्रिपाठीले बताए ।

युवराजको पञ्चेबाजा ‘बाग्लुङ बुर्तीवाङमा’ गीतको म्युजिक भिडियो सार्वजनिक

काठमान्डौ ।

चर्चित गायक युवराज छन्त्यालको पञ्चेबाजा गीत ‘बाग्लुङ बुर्तीवाङमा’ गीतको म्युजिक भिडियो सार्वजनिक भएको छ ।

गीतमा उनको आफ्नै शब्द र स्वर रहेको छ भने गीतमा उनलाई तिर्सना घर्ती मगरले स्वरमा साथ दिएकी छिन् । त्यस्तै गीतमा सुर्य खड्काको लय, कुमार थापाको एरेन्ज, रेकर्ड, मिक्सिङ रहेको छ । गीतलाई सुजन म्युजिकल रेकर्डिङ स्टुडियोमा रेकर्ड गरिएको हो ।

भिडियोलाई शिवान पोखरेलले निर्देशन गरेका छन । भिडियोमा शिबान पोखरेल, अस्मिता राना, सारिका के सी, निर्मल क्षेत्री, उषा सुवेदी, गृवान बानिया, कुल बहादुर ओलि,भिम के सि लगायतको अभिनय रहेको छ ।

भिडियोको छाँयाकन, सम्पादन ओम प्रसाई, मेकअप राकेश रानापहालीको रहेको छ । 

भिडियोलाई गायक युवराज छन्त्यालको अफिसियल युट्युब च्यानल मार्फत सार्वजनिक गरिएको छ ।

प्रवासमा रहेर पनि दर्जनौं हिट गीत मार्फत दर्शक श्रोताको माया बटुलिसकेका गायक छन्त्याल यस भिडियोबाट पनि उस्तै माया पाउने विश्वास राखेको बताएका छन् ।

सिरहा सेवा समाज कतारको नवौ अधिवेशन सम्पन्न, नयाँ नेतृत्वमा जयप्रकाश यादव

रामएकवाल राम

दोहा - सिरहा सेवा समाज कतारको नवौ अधिवेशन मार्फत  जय प्रकाश यादवको नेतृत्वमा नयाँ कार्यसमिति चयन गर्दै सम्पन्न भएको छ । 

शुक्रबार सनैया स्थित फुलबारी रेस्टुरेन्टको सभाहलमा दुई चरणमा सम्पन्न अधिवेशनको बन्द सत्रबाट जयप्रकाश यादवको अध्यक्षतामा ४० जनाको सदस्यीय सहित नयाँ कार्य समिति सर्वसम्मतिमा चयन भएको हो।

समाजको आगामी कार्यकालका लागि सर्वसम्मत निर्वाचित कार्यसमितिको प्रथम उपाध्यक्षमा अब्दुल कादिर, द्वितीय उपाध्यक्षमा शिवनाथ यादव, तृतीय उपाध्यक्षमा बिनोद कुमात सिंह महासचिवमा मनोज चौधरी सचिवमा कपिलदेव यादव, बालेश्वर यादव,कोषाध्यक्ष बिशेश्वर चौधरी , सह कोषाध्यक्षमा रमानन्द राम, , युवा संयोजकमा बलराम यादव, युवा सह संयोजक ध्यानी कामती मिडिया कोर्डिनेटर रामएकवाल राम, सह मिडिया कोर्डिनेटर शियाराम यादव,चयन भएका छन।

त्यसैगरी सदस्यहरूमा दिपेन्द्र प्रसाद यादव, सफिरुल राईन, बिरेन्द्र कुमार साह, शिव कुमार यादव, नाईम साफी, रामचलितर यादव , ज्ञानेन्द्र मण्डल , दुर्गेश यादव, बिरेन्द्र यादव, शिवकुमार यादव, बिरेन्द्र सिंह , असरफ अली, अर्जुन यादव रहेका छन।

त्यसैगरी संस्थाको सल्लाहकार संयोजकमा याकुब मिया, सल्लाहकारहरुमा, शिवकुमार महतो, रामजुलुम साह, उदय मण्डल , पवन ठाकुर, जाकिर राईन, रामकुमार यादव, रामकल्याण महतो, रामकुमार यादव, रामसुबन यादव , प्रमोद ठाकुर, सुमनारायण चौधरी , अरुन यादव, सन्तोष विश्वकर्मा रहेका छन।

विधिवत रुपमा सुरुवात गरेको कार्यक्रममा विविध सांगीतिक प्रस्तुति सहित सम्पन्न अधिवेशनको खुल्ला सत्रमा जिल्ला समन्वय समिती सिराहा सभापति दिनेश कुमार महतोको प्रमुख आतिथ्यतामा सप्पन्न भएको अधिवेशनमा संस्थाको अध्यक्ष प्रेम मण्डलको सभापतित्व रहेको थियो।

संस्थाको तर्फबाट प्रतिनिधि गर्दै जयप्रकाश यादवले स्वागत  मन्तव्य राखेको थिए। कार्यक्रमममा कतारमा स्थापित विभिन्न संघसंस्थाका प्रमुख तथा प्रतिनिधि सहित विभिन्न व्यक्तित्वहरूको उपस्थिति सहित शुभकामना मन्तव्य रहेको थियो ।कार्यक्रममा समाजलाई विभिन्न कालखण्डमा सहयोग गर्ने  समाजका विशिष्ट व्यक्ति ,सिरहाली, सहयोगी, पत्रकार, कलाकारलाई कदर पत्रले सम्मान गरिएको थियो।

कार्यक्रममा प्रमुख अतिथी महतोलाई प्रसंशा पत्र सहित दोसल्ला ओढाएर समान गरिएको थियो।सम्मान पश्चात् आफ्नो मन्तव्य राख्दै प्रमुख अतिथिले अब आउने नयाँ कार्यसमितिके कतार र गृह जिल्ला सिराहा सङ्ग जोडिएर थप राम्रा काम गर्ने विश्वास व्यक्त गर्दै आउने नयाँ कार्यसमितिलाई शुभकामना समेत व्यक्त गर्नु भएको थियो।

पत्रकार रामएकवाल रामले सहजीकरण गरेको कार्यक्रममा खुल्ला शत्रको कार्यक्रमलाई समापन गर्दै सभापति प्रेम मण्डलले आफ्नो कार्यकाललाई  सफल बनाउन विभिन्न तह तप्काबाट सहयोग गर्नुहुने सम्पूर्णलाई धन्यवाद व्यक्त गर्दै नयाँ कार्यसमितिलाई सफल कार्यक्रमको शुभकामना पनि व्यक्त गरेका थिए ।

भन्सारमा खुल्ला तीज गीत प्रतियोगिता हुने

भानु सन्देश–  तनहुँको भानु नगरपालिका १ भन्सारमा खुल्ला तीज गीत प्रतियोगिता हुने भएको छ ।

  प्रतियोगिता बारे गत विहिबार पत्रकार सम्मेलनको आयोजना गरी खुल्ला तीज गीत तथा नृत्य प्रतियोगिता हुन लागेको जानकारी दिईएको छ ।

 भानु नगर उद्योग वाणिज्य संघ , महिला उद्यमी विकास समितिको आयोजनामा नेपाली नारीहरुको महान पर्व हरितालिका तीजको अवशरमा आगामी भाद्र १५ गते शनिबारका दिन भानु –१ भन्सारको ग्रीनपार्कमा प्रतियोगिता हुन लागेको हो । 

संघका महासचिव कृष्णचन्र्द कोईरालाले जनाकारी दिए अनुसार टिम दर्ता भने निशुल्क रहेको र प्रतियोगितामा प्रथम हुने समूहले ३५ हजार र प्रमाण–पत्र, द्धितिय हुने समूहले २५ हजार र प्रमाण–पत्र, तृतिय हुने समूहले १५ हजार र प्रमाण–पत्र, सान्त्वना हुने दुई समूहले ५ र ५ हजार र प्रमाण–पत्र,  त्यसैगरी उत्कृष्ट नृत्यलाई ५ हजार प्रमाण–पत्र र प्रतियोगितामा सहभागी प्रत्येक समूहलाई  १ र १ हजार प्राप्त गर्ने छन् । 

गाउँघरमा भएका प्रतिभाहरुलाई प्रस्फुटन गराउँदै मौलिक कला संस्कृतिको संरक्षण गर्ने उद्देश्यले कार्यक्रम आयोजना गरिएको भानु नगर उद्योग वाणिज्य संघले बताएको छ । 

समितिले कार्यक्रममा विभिन्न संघसंस्था नगरपालिकाका १३ वटै वडासंग समन्वय र सहकार्य गर्ने लक्ष्य लिएको छ । 

१७ औं भानु कप फूटबल प्रतियोगिता आजबाट सुरू हुदै

-उद्घाटन खेल साबिक विजेता सेभेन स्टार युवा क्लब भानु १ साजबोटे र योङ्ग ब्वाईज एफसी चितवन बीच खेल हुने । 

भानु सन्देश ।

भंसार । तनहुँ जिल्लाको सर्बाधिक पुरस्कार राशीको १७ औं भानु कप फूटबल प्रतियोगिता आजबाट सुरू हुँदैछ । 

भन्सार युवा परिवार,सालबिस्ने र भिमसेन युवा क्लबको संयुक्त आयोजनामा फुटबल प्रतियोगिता हुन लागेको उक्त खेलको तयारी सबै पुरा भएको संयोजक बिष्णु अधिकारीका बताए । 

हिजो खेलको तयारी बारे जानकारी लिन

भानु नगरपालिकाका प्रमुख आनन्दराज त्रिपाठीले खेल मैदानको निरीक्षण समेत गरेका थिए,सो अवशरमा उनले भानुभक्त आचार्यको जन्मस्थल  भानु नगरपालिकामा खेलको आयोजना गरिएको हुँदा नगरपालिकाकै गौरबको विषय भएको र नगरपालिकाको प्रतिष्ठा समेत जोडिएकाले सवैले आ आफ्नो ठाउँबाट सहयोग गर्न आग्रह गर्दै खेलाडि, दर्शक र पाहुनाहरुलाई सहज रुपमा खेल हेर्न ब्यवस्था गर्नका लागि आयोजकलाई निर्देशन दिएका थिए ।

     भानु नगरपालिका १ भन्सार स्थित खेलमैदानमा प्रतियोगिता आजदेखी सुरू हुने खेलको गण्डकी प्रदेशका जलश्रोत तथा सिँचाई मन्त्री फडिन्द्र देवकोटाले दिउँसो १ बजे उद्घाटन गर्ने कार्यक्रम तय भएको प्रचार प्रसार समितिका संयोजक सुभास सापकोटाले जानकारी दिए।

  उद्घाटन खेल साबिक विजेता सेभेन स्टार युवा क्लब भानु १ साजबोटे र योङ्ग ब्वाईज एफसी चितवन बीच खेल हुने आयोजकले जनाएको छ।

  

 नाईन ए साईडको फूटबल प्रतियोगिता १९ साउनदेखी सुरु भै २६ गते समापन हुने छ । भानुलाई रास्टिय रुपमा चिनाउने उदेश्यले प्रतियोगिता गरिएको खेल भानुकप २०५९ साल देखि शुरु भएको भएपनि कोभिडका कारण केही समय रोकिएता पनि  अहिले अवस्था सहज भएपछि प्रतियोगितालाई निरन्तरता दिइएको भन्सार युवा क्लबका अध्यक्ष अर्जुन कुमार श्रेष्ठले बताए ।

  खुल्ला नकआउट फुटबल प्रतियोगिता भएकाले विभिन्न ठाउँबाट २४ वटा टिमबाट खेलाडीले सहभागिता जनाउने खेलाडीलाई आकर्षण गर्न प्रत्येक बर्ष पुरस्कारको राशी पनि वृद्धि गराउदै गैरहेको आर्थिक संयोजक सोम तामाङले बताए।       

जसमा प्रतियोगितामा प्रथम हुने टिमले २ लाख ५० हजार २११ रुपैयाँ नगद सहित मेडल,ट्रफी र प्रमाणपत्र प्राप्त गर्नेछन् । त्यस्तै दित्तिय हुनेले एक लाख २५ हजर २११ रुपैयाँ सहित मेडल, ट्रफी र प्रमाणपत्र प्राप्त गर्नेछ । सेमीफाईनलमा पुग्ने २ टिमलाइ २५ हजार २ सय ११ र प्रमाणपत्र , उत्कृष्ट खेलाडीलाई नगद रु ५ हजार २११ ट्रफी,मेडल, प्रमाणपत्र , उत्कृष्ट गोल रक्षकलाई नगद रु ५ हजार २ सय ११ ट्रफी,मेडल,प्रमाणपत्र , सर्बाधिक गोलकर्तालाई नगद ५ हजार २ सय ११ र ट्रफी,मेडल,प्रमाणपत्र प्रदान गरिने प्रचार प्रसार समितिका राजेश कार्कीले जानकारी दिनुभयो । उहाँका अनुसार अनुशासित टिमलाई उचित पुरस्कार साथै प्रत्येक खेलमा म्यान अफ दि म्याचको घोषणा गरिने छ । प्रतियोगितामा २४ टिमको सहभागिता रहेको छ ।

   त्यसैगरी छेलो तर्फ प्रथम पुरस्कार ६ हजार २ सय ११ र प्रमाणपत्र र बाघचाल तर्फ प्रथम पुरस्कार ६ हजार २ सय ११ , प्रमाणपत्र प्रदान गरिने आयोजकले जनाएको छ ।

-डिपि अधिकारी को सहयोगमा 

खरखरे भीरमा पहिरो :डुम्रे - बेँसीसहर - चामे सडक अवरुद्ध

तनहुँ । पहिरोले डुम्रे - बेँसीसहर - चामे सडक अवरुद्ध भएको छ । गएरातिदेखि परेको अविरल वर्षासँगै सडकका विभिन्न ठाउँमा पहिरो खसेर सडक अवरुद्ध भएको हो । जिल्ला प्रहरी कार्यालयका सूचना अधिकारी थानेश्वर चपाईँका अनुसार तनहुँतर्फ बेँसीसहर नगरपालिका -१, दलाल र मनाङतर्फ सोही पालिका -६, खरखरे भीरमा पहिरो खसेकाले सडक अवरुद्ध भएको छ । खरखरे भीरमा ठूला - ढुङ्गासहितको पहिरो खसेको छ । 

उक्त सडकका विभिन्न भागमा पहिरो खस्ने क्रम रोकिएको छैन ।सडक अवरुद्ध हुँदा बेँसीसहरदेखि मनाङ जाने तथा तनहुँ हुँदै काठमाडौं, पोखरा, चितवनलगायत विभिन्न स्थान प्रस्थान गर्ने तथा उक्त स्थानबाट बेँसीसहर आवातजावत गर्ने सवारीसाधन अलपत्र परेका छन् ।