काठमान्डौ,
पुस ९ गते ।
एकीकृत नेकपा माओवादीको केन्द्रीय समितिको बैठक आजदेखि सुरु भएको छ । पटक पटक स्थगित हुँदै आएको बैठक आज पाटीर्् केन्द्रीय कार्यालय पेरिसडाँडामा सुरु भएको हो । आजको बैठकमा अध्यक्ष पुष्पकमल दाहाल प्रचण्डले तत्कालीन कार्ययोजनासहितको राजनीतिक प्रस्ताव प्रस्तुत गर्नुभयो । अध्यक्ष प्रचण्डले बैठकमा आगामी कार्यक्रम, विकसित सङ्कट र समाधान” शीर्षकको प्रस्ताव राख्नुभएको छ । अध्यक्षप प्रचण्डले आफ्नो प्रस्तावमा पार्टीभित्र देखिएका सबै खालका अन्तरविरोधको छिनोफानो महाधिवेशनले नै गर्ने उल्लेख गर्नुभएको छ ।तर वरिष्ठ उपाध्यक्ष मोहन वैद्यले भने अध्यक्षको प्रस्तावप्रति असहमति जनाउनुभएको र लिखित रूपमा फरक मत राख्ने बताउनुभएको छ । माओवादी केन्द्रीय समितिको बैठक पर्सि सोमबारसम्मका लागि स्थगित गरिएको छ । अध्यक्षको प्रस्ताव अध्ययनका लागि भन्दै बैठक दुई दिन पछि बस्ने भएको प्रवक्ता दिनानाथ शर्माले जानकारी दिनुभयो ।
