कपिल ज्ञवाली
बुटवल १५ चैत । नेपाल पत्रकार महासंघले आज बिहीबार आफ्नो स्थापनाको ५७ औं वर्षगाँठ मनाउदै छ । देशभरका पत्रकारलाई एउटै छातामुनि संगठित गर्दै छातासंगठन स्थापनाको ५६ वर्ष पूरा गरी ५७ वर्ष प्रवेश गरेको अवसरमा महासंघका जिल्ला तथा प्रतिष्ठान शाखाहरुले विभिन्न कार्यक्रम गरी वर्षगाँठ मनाउदैछन् ।पत्रकार तथा स्वतन्त्र प्रेसको वकालत गर्ने महासंघको केन्द्रीय कार्यक्रमअन्र्तगत रुपन्देहीमा पनि बिहीबार स्थापना दिवसका अन्तरक्रिया कार्यक्रम हुँदैछ । कार्यक्रमको सबै तयारी पुरा भएको महासंघ रुपन्देहीका अध्यक्ष दिपक ज्ञवालीले बताएका छन् ।
पत्रकार महासंघ रुपन्देहीको बुटवल ओमशान्ति पथस्थित सभाहलमा विहान ८ बजे ‘चौध जेठभित्र शान्ति र संविधान’ भन्ने मुलनाराका साथ अन्तरक्रिया कार्यक्रमको आयोजना गरिएको महासंघ रुपन्देहीले जनाएको छ । अन्तरक्रिर्यामा रुपन्देहीका पत्रकारका साथै यस क्षेत्रका राजनीतिक दलका प्रतिनिधी, प्रशासनिक निकायका अधिकारी, सामाजिक संघसस्थाका अगुवालगायतको सहभागिता रहने छ । महासंघको आज बसेको तयारी बैठकले अन्तरक्रिया कार्यक्रममा उपस्थितिका लागि सबै पत्रकार, मिडिया हाउस सञ्चालक, समाजसेवी लगायतलाई आग्रह गरेको छ ।
