खलङ्गा (बैतडी), १७ चैत । भूमेश्वर गाविसका तीन बालक तीन दिनदेखि बेपत्ता भएपछि उनीहरूका परिवाजन चिन्तित बनेका छन् ।
भूमेश्वर–६ का १५ वर्षीय प्रकाश विष्ट, ११ वर्षीय विनोद विष्ट र मामाघर बस्दै आएका देहीमान्डौँका अशिक बोहरा बुधबारदेखि बेपत्ता भएको स्थानीय राजेन्द्र विष्टले बताउनुभयो । आफन्तजनले बिहीबारदेखि खोजी जारी राखे पनि उनीहरूको अत्तोपत्तो नलागेको विष्टले जानकारी दिनुभयो । इलाका प्रहरी कार्यालय पाटनका प्रमुख जीवन गिरीले भने आफूकहाँ त्यस्तो कुनै जानकारी नआएको बताउनुभयो ।
