कपिल ज्ञवाली
बुटवल १३ चैत । त्रिभुवन बिश्वबिद्यालय बौद्ध अध्ययन बिभाग प्रमुख डा मिलन शाक्यले बिश्वमा बौद्ध दर्शनको महत्व बढ्दै गएको बताउनुभएको छ । पछिल्लो समय भगवान गौतम बुद्धको नामले बिश्वमा चर्चा कमाईरहेको बताउदै शाक्यले राम्रो बिचारधारा बोकेको बौद्ध धर्मको प्रसार प्रसार अझै जरुरी रहेकोमा जोड दिनुभयो । आज बुटवलमा संचारकर्मी तथा बौद्ध मार्गीसंगको भेटमा उहाले बौद्ध बिचारको प्रबद्र्धनका लागि आफु सधैं लागिरहने बताउनुभयो ।
समाजमा राम्रो चिजको खेती सबैले गर्नुपर्ने भन्दै उहाले बौद्ध धर्मबारे सबैले जानकारी लिएमा कसैलाई हानी नहुने तर्क गर्नुभयो । मुलुकभर बौद्ध धर्मको प्रबद्र्धन गरेमा नेपालको शिर उंचो रहने बताउदै उहाले बुद्धिजमको प्रबदर्न र बौद्ध दर्शनको शिक्षा प्रदानका लागि आफ्नो सहयोग रहने प्रतिबद्धता जनाउनुभयो । अहिलेको शिक्षा भनेको ब्यबहारिक हुनुपर्ने उल्लेख गर्दै डा शाक्यले समाज परिरबर्तनका लागि सबैको योगदान हुनुपर्नैमा पनि जोड दिनुभयो । कार्यक्रमको संचालन स्वाधिन साप्ताहिकका सम्पादक तिलक आचार्यले गर्नुभएको थियो ।
