काठमाण्डौ, १५ पुस गते ।
गुरुङ समूदायले नयाँ बर्षको स्वागत गदै आज तमु ल्होसार पर्ब मनाउदै छन । सम्पुर्ण गुरुङको साझा धारणा , तम्वुवान राज्य सहित शान्ति र समाबेशी संविधान हाम्रो चाहाना भन्ने नाराका साथ तमु ल्होसार मनाउन लागेका हुन ।
तमु को अर्थ बर्ष र ल्होसार भन्नाले नयाँ भन्ने बुझाउ छ । प्रत्येक १२ वर्षमा युग परिवर्तन हुने र यी वर्षलाई मुसा, गोरु, बाघ, खरायो, बिरालो, गरुड, सर्प, घोडा, भेडा, बाँदर, कुकुर र बँदेलका प्रतीकका रूपमा लिइन्छ । यो वर्ष गुरुङ जातिले बिरालो वर्ष बिदाइ गरेर गरुड वर्षका रूपमा स्वागत गर्दैछन् ।
आजको दिन मीठो खाने राम्रो लगाउन र मान्यजनबाट आर्शिबाद लिनुकासाथै साथीभाईसँग शुभ कामना आदान प्रदानपनि गरिन्छ ।
आजबाट रात छोट्एिर दिन लम्बीदै जाने दिन पनि भनेर पनि बुझिन्छ । तमु ल्होसारका अबसरमा गुरुङ समूदायको उपस्थीति भएका ठाउमा विभिन्न कार्यक्रमको आयोजना भएका हाम्रा सहकर्मीले पठाएको खबरमा उल्लेख गरिएको छ । सरकारले तमु ल्होसारलाई राष्ट्रिय पर्बको मान्यता दिई आज सार्बजनिक विदापनि दिएको छ । ल्होसारका अबसरमा राष्ट्रपति डा. रामबरण यादब , प्रधानमन्त्री बाबुराम भट्टराई , नेपाली कांग्रेसका सभापति शुसिल कोइराला लगाएतका नेताहरुले शुभ कामना दिनुभएको छ ।