डोटी,
पुस ७ आदिवासी जनजाति युवाहरूलाई सीपमुलक तालिम दिई आत्मनिर्भर बनाउने उद्देश्यले आयोजना गरिएको तीन महिने आधारभूत कम्प्युटर तालिम आजदेखि डोटीको बुडरमा सुरु भएको छ ।
स्थानीय निब्बल कम्प्युटर इन्स्टिच्युट बुडरमा सञ्चालन हुने तालिममा ९ जना महिला र ६ जना पुरुषको सहभागिता रहेको नेपाल आदिवासि जनजाति महासङ्घ डोटीका अध्यक्ष कृष्ण दर्लामीले बताउनुभयो । तालिम घरेलु तथा साना उद्योग विकास समिति राजपुर डोटीको आर्थिक सहयोगमा नेपाल आदिवासी जनजाति महासङ्घले आयोजना गरेको हो ।
