काठमान्डौ माघ ४ गते ।
आरामका लागि भन्दै प्रधानमन्त्री डा. बाबुराम काभ्रेको धुलिखेल जानुभएको छ । हिजो बेलुकी नै धुलिखेल पुग्नुभएका प्रधानमन्त्री पार्टी र सरकारको योजना बनाउन व्यस्त रहेको उहाँको निजी सचिवालय स्रोतले जनाएको छ । आफ्नै पार्टीबाट राजीनामाका लागि चर्को दबाब आएपछि प्रधानमन्त्री भट्टराई केही दिनदेखि तनावमा हुनुहुन्छ । धुलिखेल बसाईलाई प्रधानमन्त्री कार्यालयले भने गोप्य राखेको छ । सरकारका पछिल्ला निर्णयहरु र कामकारवाहीका बारेमा विपक्षी दलहरुबाट चर्काे आलोचना भइरहेका बेला उहाँकै पार्टीले समेत सहमतिका लागि प्रधानमन्त्रीले राजीनामा गर्नुपर्ने बताएपछि उहाँ एकान्त ठाउँ खोज्दै धुलिखेल पुग्नुभएको हो । प्रधानमन्त्रीका प्रमुख राजनीतिक सल्लाहकार देवेन्द्र पौडेलले निरन्तरको कामबाट थाकेपछि आराम गर्न प्रधानमन्त्री काठमाण्डू बाहिर जानुभएको बताउनुभयो
