साउदी अरब
माघ ४ गते ।
दलालको फन्दामा परेर महिनौसम्म साउदीको एक कोठामा थुनिएकी लालु सोमबार नेपाल फर्केकीछन । मेडिया, परराष्ट्रमन्त्रालय, साउदी दुतावास, एनआरएनए साउदी अरेबीयाको पहलमा उनी नेपाल फर्केकी हुन ।
साथीहरुको लहलहैमा लागेर साउदी पुगेकी तनह दुलेगौडाकी लालु बिक साउदी पुगेको ८ महिनामा नेपाल फर्केकी हुन । लालुले मंगलबार साझ सोलिडारीटीलाई फोन गरेर आफु सकुसल नेपाल फर्केको बताईन ।उनलाई कसरी एक्कासी आयौ भन्दा “यहाँबाट मेडिया, पराष्ट्रमन्त्रालय, दुतावास, एनआरएनएले मेरो ब्यापक खोजि गरेको थाहा पाएपछि एकहप्ता मेरो मोबाइल खोसेर राखिदियो । गालि गर्यो किन नेपालमा सबै कुरा बताईस ? पहिला पैसा पठाईदे भन नेपालबाट भनेको होईन ? भनेर गालि गर्यो । हिजो एक्कासी नेपाल फर्काइ दियो कसैलाई खबर नगरीकन मलाई केहि थाहा भएन , जे होस नेपाल फर्कन पाए ।” लालुको उद्वारका निम्ति खटीएका एनआएनए साउदीका अध्यक्ष धर्म केसी भन्छन “लालुको उद्वारको लागि नेपाली दुताबासको अनुरोधमा साउदी पोलिसले त्यो दलालीमाथी कार्वाही चलाएको थियो । दुताबासलाई पनि थाहा नदिई नेपाल पठाएछ दलालले लालुलाई ।”
स्मरण रहोस पुष १२ गते दलालीलाई पैसा पठाएर छोरी नेपाल झिकाउन लालुकी आमा १ लाख रुपिया बोकेर काठमाडौंमा आएकी थिइन । ऐक्यबद्वताको सम्पर्कमा आएकी लालुकी आमाले आँखाभरी आसु बनाउदै कसरी हुन्छ छोरी झिकाउनु पर्यो, रोएर मर्न लागि खान पनि केहि दिदैन रे थुनेर राखेको छ त्यहाँ । पैसा पठाएमा छोरी पठाउछु भनेर मलाई समेत दलालले फोन गरेर खाता नं टिपायो । पैसा कहाँबाट र कसरी पठाउने होला भन्दै रोएकी थिईन । “तपाईकी छोरी बिना पैसा फर्काउन सकिन्छ पैसा सुरक्षित साथ घर लैजानुहोस” भनेर ऐक्यबद्वताले भनेपछि परराष्ट्रमा छोरीको उद्वार गरीपाउ भनेर निबेदन दिएर उनी तनहुँ फर्केकी थिईन ।
त्यसैदिन (२७ डिसेम्बर) का दिन ऐक्यबद्वताले एनआरएनए साउदीका अध्यक्ष धर्म केसीलाई फोनगरी लालुको उद्वारको पहल गरेको थियो । धर्म केसीले तत्कालै राजदुतलाई फोन गरेर सबै कुरा बताएपछि राजदुत स्वयंमले लालुको फोनमा फोन गरेर लालुको समस्या बुझेका थिए । लालुले त्यतिबेला पनि “तपाई को हो ? खुरुक्क नेपालबाट पैसा झिकाई दिनोस, मलाई अरु केहि चाहिदैन । पैसा मगा छिटो भनेर मलाई नै कुट्छ " भनेर राजदुतलाई नै जवाफ फर्काएको अध्यक्ष धर्म केसी बताउछन ।नेपाल कतार अनलाईन
