काठमान्डौ ९ चैत ।
नेकपा एमालेका अध्यक्ष झलनाथ खनालले आफ्नो अनुपस्थितमा शान्ति प्रक्रियामा कुनै असर नपर्ने बताउनु भएको छ । आज भारत जानुअघि त्रिभूवन विमानस्थलमा पत्रकारहरुसँग कुराकानी गर्दै अध्यक्ष खनालले सभामुख र दलहरुसँग छलफल भइसकेकाले आफु दिल्ली जाँदा छलफल प्रक्रियामा असर नपर्ने बताउनुभयो । जेठ १४ सम्म विदशेभ्रमणमा नजाने एमालेले गरेको निर्णय विपरित नै अध्यक्ष खनाल आज उपचारका लागि भन्दै दिल्ली जानु भएको हो ।
ललितपुरको किष्ट अस्पतालको सिफारिसमा खनाल उपचारका लागि दिल्ली जानु परेको उहाँको निजि सचिवालयले जनाएको छ । । दिल्ली बसाईका क्रममा अध्यक्ष खनालले स्वास्थ्य उपचारसँगै राजनीतिक भेटघाट पनि गर्नुहुनेछ । खनाल बिहान साढे ९ बजेपछि दिल्ली प्रस्थान गर्नु भएको हो ।
