प्रेम स्याङतान तामाङ
दोहा (कतार) २० चैत । नेपालीहरुको नयाँ बर्ष २०६९ सालको उपलक्ष्यमा कतार स्थित दोहासिटी प्लाजा होटेलमा १३ अप्रिल २०१२ दिन दुई शो गरि “नयाँ संघर्ष संगितीक कार्यक्रम” हुने भएको छ । उक्त कार्यक्रमकका लागि साउथ एशियन स्टार २००९का अशुशेन लामा कतार आउँदैछ । गायक लामा संगितीक कार्यक्रमको सिलसिलमा दुवई, मलेशिया सिंगापुर, जापान र कोरिया लगायत अन्तर्राष्ट्रिय देशहमा सफलताका साथ सांगितीक कार्यकहरु गरिसकेका छन् भने नेपालमा थुप्रै जिल्लाहरुमा स्टेज कार्यक्रमहरु पनि गरिसेका छन् ।
निकै कर्णप्रिय गीत गाएर दर्शकहरुलाई मनोञ्जन दिन सफल भएका यि गायक ईण्डियन आइडल प्रशान्त
तामाङको म्यूजिक कम्पोजर पनि हुन् । नेपालबाट अतिथि कलाकारहरुमा अशुशेन लामा र गायक धिरज पौडेल आउने भएका छन् । दोहावासी नेपालीहरुलाई गायकद्धयले निकै उनको लोक प्रिया तथा कर्णप्रिय गीतहरु पस्केर दोहावासी दर्शकहरुलाई भरपुर मनोरञ्जन दिने भएका छन् ।
साथमा स्थानिय चर्चित गायक तथा गायिक अमृत लामा, भुमिका दाहाल, पवित्र लामा, नायक विष्णु कार्की, डान्सरहरुमा एनआरएन चर्चित प्रथम डान्सर ज्वाला लामा, नृत्य निर्देशक पासाङ लामा, जिवन लामा, सरु लमा र जानुका थापाको नृत्य वेजोड रहनेछन् । कार्यक्रमको आयोजकहरु विष्णु कार्की, विशाल लामा, अमृत लामा रहेका छन् ।
