आश गुरुङ,
लमजुङ, २१ चैत ।
लमजुङको दक्षिणपश्चिमी गाविस भोर्लेटारको वडा नम्बर २, बाह्रविसेको एक
घरमा सोमबार राती आगलागी भएको छ । आगलागीवाट स्थानीय गंगाबहादुर थापामगरको
घर, गोठ, परालको टौवा नष्ट भएको छ भने चौपायाहरु पनि मरेका छन् ।
आगलागीमा परेर ८ वटा बाख्रा, एउटा पाठो, धान, मकै, कोदो, लत्ताकपडा सवै
जलेको घटनास्थल पुगेका ईलाका प्रहरी कार्यालय भोर्लेटारका प्रहरी प्रमुख
इन्स्पेक्टर दीपक ढुंगेलले जानकारी दिनुभयो ।
बाह्रविसेको फाँटमा रहेको एक्लो घरमा सोमबार राती झण्डै १० बजेतिर आगलागी
भएपछि समयमै आगो नियन्त्रणमा लिन नसक्दा लाखौँ रुपैँयाको धनमाल क्षति भएको
प्रहरीले जनाएको छ । घरमा सवैजना सुतिसकेको बेला आगलागी भएपनि मानवीय
क्षति हुन पाएन । विद्युत सर्ट भएर आगलागी भएको हुनसक्ने प्रहरीले जनाएको
छ ।
