काठमाडौं, बैशाख २४ - शान्तिका अग्रदूत गौतम बुद्धको २५ सय ५६ औँ जयन्ती
नेपाल लगायत विश्वभर विभिन्न कार्यक्रम गरी मनाइँदैछ । गौतम बुद्धको जन्म
आजकै दिन लुम्बिनीमा भएको थियो । बुद्धको ज्ञानप्राप्ति र महापरिनिर्वाण
पनि वैशाख शुक्ल पूर्णिमा अर्थात् आजैको दिन भएको थियो । बुद्धजयन्तीका
अवसरमा देशका बिभिन्न बौद्धविहार, मठ र गुम्बाहरुमा धार्मिक कार्यक्रमहरु
हुदैँछन् ।
बुद्धको जन्मस्थल लुम्बिनी र काठमाडौंको स्वयम्भू लगायत विहार र
गुम्बाहरुमा बिहानैदेखि बिशेष कार्यक्रम भैरहेका छन् । गौतम बुद्धले
प्रतिपादन गरेको धर्म र उपदेशहरु नेपालका साथै भारत, चीन, श्रीलंका, बर्मा,
थाईल्याण्ड, भुटान, जापान, मंगोलिया, कोरिया लगायत बिश्वका बिभिन्न देशमा
बुद्ध धर्मका रुपमा विस्तार भएका छन् । बुद्ध जयन्तीका अवसरमा शुभकामना
सन्देश दिंदै नेपाली कांग्रेसका सभापति सुशील कोइरालाले शान्ति प्रकृयालाई
निष्कर्षमा पुर्याई दीगो शान्ति बहाली र समयमै संविधान घोषणा गरी मुलुकमा
राजनीतिक स्थायित्व प्राप्त गर्न आफ्नो पार्टी दृढ रहेको उल्लेख गर्नुभएको छ
।
bikashbista tanahunkhabar
