काठामाण्डौं, जेष्ठ २७
राष्ट्रिय प्रजातन्त्र पार्टी नेपालले आज
राजाधानीको खुलामञ्चमा आमसभा गर्दै छ । संविधानसभा भङ्ग भइसकेपछि उत्साहित
देखिएको राप्रपा नेपालले आजको सभालाई शक्ति प्रदर्शनको रूपमा लिएको छ ।
हिन्दू राष्ट्र, संवैधानिक राजतन्त्र, सङ्घीयताको विरोधमा पार्टीको धारणा
राख्न र स्वतन्त्र चुनावी सरकार गठनका लागि दबाब दिने उद्देश्यले सभा हुन
लागेको राप्रपा नेपालका काठमाडौं जिल्लाका सभापति श्यामप्रसाद घिमिरेले
सीआईएनलाई जानकारी दिनुभयो । उपत्यकाका तीन जिल्ला र छिमेकी जिल्लाहरूबाट
गरी लाखौं जनसमुदाय सभामा सहभागी हुने घिमिरेले दाबी गर्नुभयो । सभामा
केन्द्रीय अध्यक्ष कमल थापालगायतका नेताहरूले सम्बोधन गर्नुहुने कार्यक्रम छ
। दिउँसो साढे १ बजेपछि सुरु हुने सभाअघि राजधानीका विभिन्न स्थानबाट
¥याली निस्कने पार्टीले जनाएको छ । संविधानसभाको विघटन र नयाँ चुनाव गर्ने
निर्णयलाई राप्रपा नेपालले स्वागत गरेको छ ।
