काठमान्डौ पुस १० गते ।
चिनियाँ प्रधानमन्त्री बेन जियाबाओको स्थगित भएको नेपाल भ्रमणपछि आगामी भ्रमणको कार्यतालिकाको बारेमा छलफल गर्न उपप्रधान तथा गृहमन्त्री विजयकुमार गच्छदार सहितको टोली आज चीन प्रस्थान गरेको छ । गृहमन्त्री गच्छदारसँगै गृह र परराष्ट्रका उच्च अधिकारी सम्मिलित ६ सदस्यीय टोली चीन गएको छ । रक्षा मन्त्रालयको जिम्मेवारीसमेत सम्हालिरहनु भएका गच्छदारले गृह र रक्षा दुवै क्षेत्रका लागि आफ्नो भ्रमण फलदायी हुने बताउनुभयो । साथै उहाँले त्यहाँ रहँदा प्रधानमन्त्री बेन जियाबाओ, समकक्षी मेङ जियाङझुलगायतका उच्च अधिकारीलाई भेट्ने जनाइएको छ । टोलीमा गृहमन्त्रालय सुरक्षा महाशाखा प्रमुख शंकर कोइराला, सशस्त्र प्रहरी महानिरीक्षक शैलेन्द्रकुमार श्रेष्ठ, नेपाली सेनाका जर्नल नरबहादुर कंडेल, नेपाल प्रहरीका एआईजी भिष्म प्रसाईंलगायत रहनु भएको छ ।
