काठमान्डौ माघ १३ गते ।
स्वेच्छीक अबकासमा जाने माओबादी लडाकुलाई ३ दिन भित्र विदाई गरिने भएको छ । लामो समय पछि विहान बसेको सेना समायोजन विशेष समितिको बैठकमा प्रधानमन्त्री बाबुराम भट्टराईले १७ गतेदेखी बिदायी गर्ने प्रस्ताब गर्नुभएको थियो । सोही प्रस्ताब अनुसार आजको बैठकले सहमति गरेको काँग्रेस नेता डा. रामशरण महतले जानकारी दिनुभयो ।सेना समायोजन विशेष समितिले स्वेच्छिक अबकासमा जाने लडाकुहरुकालागि व्यक्तिगत बैक खातामा रकम पठाउने व्यवस्था मिलाइएको स्रोतले जनाएको छ । तीनीहरुले २ किस्तामा ५ देखी ८ लाख रुपैयाँ सम्म पाउने यसअघिनै निर्णय भइसकेको छ । यसअघि अवकाश रोज्ने लडाकुहरुलाई तत्काल विदा गर्न माओवादीकै वैद्य पक्षले अवरोध गरेपछि पुर्व निर्धारीत कार्यतालिका प्रभावित भएको थियो ।
