तनहुँ दुलेगौडा १६ चैत ।
तनहुँको खैरेनीटारमा जारी चौथो खैरेनीटार महोत्सवमा आज पनि ३० लाखको आर्थिक कारोबार गर्ने आयोजकले बताएको छ । गत चैत १० गतेबाट सुरु भएको महोत्सवको आज आठौं दिनमा ३० लाखको आर्थिक कारोबार गर्ने महोत्सवका प्रवक्ता समुन्द्रराम श्रेष्ठले बताउनुभयो ।
त्यसैगरी २५ हजार दर्शकले महोत्सवको अवलोकन गर्ने पनि उहाँले जानकारी दिनुभयो ।
आगामी चैत २० गते सम्म चल्ने महोत्सवमा अहिले सम्म १ करोड ७५ लाखको आर्थिक कारोबार भएको छ । त्यस्तै अहिले सम्म १ लाख ६५ हजार दर्शकहरुले महोत्सवको अवलोकन गरेका छन् । आज पनि महोत्सवमा लोक गायक, गायिका मन्जु महत, बदी्र पंगेनी लगायतका कलाकारहरुले महोत्सव स्थल संगितमय बनाउने भएका छन् । त्यस्तै आज नै दर्शकहरुलाई हसाउनका लागि हास्य कलाकार पूर्ण थापा र रबी ढंगोलको विशेष प्रस्तुती रहने कलाकार संयोजक सुजन श्रेष्ठले जानकारी दिनुभयो । 
