काठमाडौ असोज ८ गते । अखिल नेपाल फुटबल संघ एन्फाको आयोजना तथा एनसेल प्रालिको प्रायोजनमा राजधानीमा जारी सर्बाधिक पुरस्कार राशीको फुटबल प्रतियोगितामा आज २ वटा खेल हुने भएका छन् । त्रिपुरेश्वर स्थित दशरथ रंगशालामा दिउसो १ बजे हुने पहिलो खेलमा हिमालयन शेर्पा र बाँसबारी क्लब भिड्ने छन् ।
त्यसैगरी दिउसो ३ बजे हुने अर्को खेलमा नेपाल पुलिस र बौद्ध फुटबल क्लब आमने सामने हुने छन् । हिजोको खेलमा मनाङ मस्र्याङदी क्लबले त्रिभुवन आर्मी क्लबलाई ० का विरुद्ध २ गोलले पराजित गरेको थियो । ए डिभिजनका १६ वटा टिम सहभागि प्रतियोगिताको उपाधी बिजेताले १५ लाख उप विजेताले ७ लाख रुपैया पाउनेछन् ।
