काठमाडौं, बैशाख ३१ – काठमाडौंको बालाजु औद्योगिक क्षेत्रमा हतियार सहित
पैसा लुट्न बसेका ६ जनालाई प्रहरीले पक्रेको छ । औद्योगिक क्षेत्रबाट
ठमेलमा पैसा लैजान लागेको थाहा पाएर लुट्न बसेका ६ जनालाई आइतबार दिउसो
प्रहरीले पक्रेको हो ।
पैसा लुट्ने योजना बनाएर बसेका सुजन तामाङ, बासु कार्की, अनिल तामाङ, सन्त
वहादुर तामाङ, पूर्ण बहादुर तामाङ र रामवहादुर तामाङलाई प्रहरीले पक्रेको
हो । पक्राउ परेको ६ जनालाई महानगरिय प्रहरी वृत्त महाराजगञ्जमा राखिएको छ ।
उनीहरुको साथबाट एक थान तरवार, एक थान खुकुरी र खुर्सानीको धुलो बरामद
गरिएको प्रहरीले जनाएको छ । उनीहरुका बारेमा थप अनुशन्धान चलिरहेको
प्रहरीले बताएको छ ।
