यो त एउटा उदाहरण मात्र हो, तर आज नेपाली सिनेमा भित्र कथाले मागेको भन्दै छाडा प्रवृत्ति वढिरहेको छ । चलचित्रमा टङ किस खानु र वेडसिनका दृश्य दिनु सामान्य जस्तै भएको छ । नायिका जियाले चलचित्रमा टङ किस खाएपछि अनलाइनखवरसँग भनिन्, मैले यो चलचित्रमा ३ पटक भन्दा वढि टङ किसको दृश्य दिएको छु । अनि कति मिनेट सम्म टङ किस दिनुभएको छ त भन्ने प्रश्नमा उनले भनिन्, खाँदा खादै १० मिनेटसम्म खाईयो । चलचित्रमा दृश्य दिनेक्रममा, इमोशनमा आईयो र १० मिनेट भन्दा लामो भयो । तर, सेन्सर वोर्डले यति लामो दृश्य राख्न त नमान्ला, जिया आफै यो दृश्यमा वारेमा भन्छिन् । यसरी, नायिकाहरु खुलेयाम आफु चर्चामा आउनकै लागि यस्ता दृश्य दिइरहेका छन्, र भनिरहेका छन् मैले यति मिनेट किस गरे, यति मिनेटको वेड सिन दिए । नेपाली चलचित्रमा यस्ता दृश्य राख्न थालिएपछि, धेरैले भनेका छन् नेपालमा अव अश्लिल सिनेमा खुलेयाम वन्न धेरै समय लाग्दैन । कुनै पनि दृश्य दिएपछि नायिकाहरु भन्ने गर्छन, कथाले माग्यो अनि दिए । अचम्मको छ यो कथा पनि , के-के माग्छ माग्छ । तर, नेपाली सिनेमा भित्र कुनै अश्लिल सिनेमाको दृश्य जस्तो लाग्ने गरी त कुनै पनि कथाले माग्दैन होला । तर, यहाँ यस्तै हुन थालेको छ, कथाले माग्यो भन्दैमा जे पनि गर्न मिल्छ र ? एक चलचित्रमा नायिका जिया के.सीको वक्षस्थलमा कलाकार दिनेश थापाको हातले मज्जैले समातेको देखिन्छ । तर, यो दृश्यमा न त नायिकालाई लज्जा वोध भएको देखिन्छ न त नायकले नै कुनै सकस मानेका छन् ।
एउटा चलचित्रको छायांकन स्थलमा नायकले खुलेयाम नायिकाको वक्षस्थल समात्छ भने अव अश्लिल सिनेमाको छायांकन हुन कति समय लाग्ला र ? पछिल्ला समय वनेका दर्जन वढि सिनेमा यस्तै कुराको पछि लागिरहेका छन् र सकेसम्म नायिकालाई नङ्ग्याउन लागि परेका छन् । यसले नेपाली चलचित्र सि ग्रेडमा पुगेको भान हुनसक्छ । चलचित्रमा दृश्य दिएर हिट भइन्छ भन्ने नायिकाहरुले सोचेका हुन् पनि यो उनीहरुको दिवा स्वप्न मात्र हो । किनकी, यस्ता किसिमका दृश्यले कुनै पनि सिनेमाको मात्र होईन कलाकारको पनि ग्रेड छुट्टाउँछ । यसवारेमा कलाकारले पनि ध्यान दिनुपर्दछ । कुनै पनि देशमा यस्ता किसिमका दृश्य दिने कलाकार चर्चित भएका र लामो समयसम्म टिकेका देखिदैन । यसैले, पनि नायिका नङ्ग्याएर सिनेमा चल्छ भन्ने सोच कसैले पनि नराखौ अनि यस्ता किसिमका दृश्यमा अभिनय गरेर आफु हिट भइन्छ भन्ने सोच पनि नायिकाहरुले राख्नु गलत हो । यसवारेमा अव चलचित्र सेन्सर वोर्ड पनि सजग हुनु जरुरी छ ।
सेन्सर वोर्डले चलचित्रको सेन्सर गर्दा यस्ता सिनेमा भित्र खवरदारी गर्नु आवश्यक छ । किनकी, सिनेमामा यस्ता दृश्य आवश्य त होला, तर कथा वगेको अनुसार र यसले कुनै सन्देश दिन्छ भने मात्र । केही वर्ष अघि सम्म पनि नायिकाहरु टङ किस खान लजाउथे अनि खाईहाले भने पनि दुइ ओठ मात्र जोडेको पाईन्थ्यो । तर, अहिले त यहा वास्तविक रुपमा नै नायक तथा नायिका मज्जैले किस खाईरहेका छन् । जुन, एउटा वन्द कोठाभित्र हुनसक्ला, सिनेमाको पर्दाभित्र भद्दा हो । यसैले, सिनेमा क्षेत्रमा आफ्नो व्यापार गर्नकै लागी अश्लिलता भित्राउन पाईदैन । यो वारेमा सवैले सजग हुनु जरुरी छ ।
