नमस्ते टेलिभिजन चितवन नेपाल
असार २१
यस वर्षको चितवन साहित्य परिषद् (चिसाप) प्रतिभा पुरस्कार कवि तथा सञ्चारकर्मी धर्मराज अर्याललाई प्रदान गरिने भएको छ । चितवन साहित्य परिषद्ले हरेक वर्ष प्रदान गर्दै आएको चिसाप प्रतिभा पुरस्कार चार दशक देखि साहित्यमा लागेका अर्याललाई दिन लागिएको हो ।मातृभूमिको गीत, सिर्जनाका धूनहरु, तिम्रा मेरा बातहरु, अन्तरमनका छालहरु कविता सङ्ग्रह प्रकाशित गरिसकेका अर्याल चितवनपोष्ट दैनिसँग आवद्ध हुनुहुन्छ । असार ३० गते ‘भानु जयन्ती’का अवसरमा विशेष कार्यक्रम गरी उहाँलाई सम्मान गरिने परिषद्ले जनाएको छ । वरिष्ठ साहित्यकार प्रेमविनोद नन्दनको संयोजनमा गठित समितिले अर्याललाई पुरस्कारको सिफारिश गरेको हो ।
नारायणी कला मन्दिरको सहकार्यमा आदिकवि भानुभक्त आचार्यको १९९ औं जन्म जयन्तीका अवसरमा असार ३० गते खुल्ला रामायण वाचन प्रतियोगिता, काव्य पाठ तथा विविध साँस्कृतिक कार्यक्रम सहित प्रतिभा पुरस्कार प्रदान गरिने चितवन साहित्य परिषद्का सहसचिव बालकृष्ण थपलियाले जानकारी दिनुभयो ।
